Election
အသင်းအမှုဆောင်များ ရွေးချယ်တင်မြှောက်ပွဲ ကြီးကြပ်မှုကော်မရှင်အား အသင်း၏ နာယကအဖွဲ့နှင့် အကြံပေးအဖွဲ့က ရွေးချယ်ရာတွင် အတွေ့အကြုံ၊ အကျင့်သိက္ခာသမာဓိရှိပြီးအများ၏ကြည်ညိုလေးစားခြင်းခံရသော၊ လက်ရှိအမှုဆောင်မဟုတ်သော၊ အမှုဆောင်အဖြစ် အရွေးချယ်ခံရန် အဆိုမပြုသော အသင်းသားများနှင့် ပြင်ပမှဂုဏ်သရေရှိပုဂ္ဂိုလ်ကြီးများပါဝင်သော အဖွဲ့ဝင်အနည်းဆုံး (၅)ဦးမှအများဆုံး(၁ဝ)ဦးဖြင့် ဖွဲ့စည်းတာဝန်ပေးအပ်ရမည်။
အသင်း၏ရွေးချယ်တင်မြှောက်ပွဲကြီးကြပ်မှုကော်မရှင်၏ တာဝန်နှင့် လုပ်ပိုင်ခွင့်များမှာ အောက်ပါအတိုင်းဖြစ်ပါသည်-
လွတ်လပ်၍တရားမျှတသော ရွေးချယ်တင်မြှောက်ခြင်းဖြစ်စေရန် အသင်း၏ ဖွဲ့စည်းပုံအခြေခံစည်းမျဉ်းများအပေါ်အခြေပြု၍ ကြီးကြပ်ဆောင်ရွက်ရမည်။
ရွေးချယ်တင်မြှောက်ပွဲကျင်းပရန် နေ့ရက်၊ အချိန်နှင့်ပတ်သက်၍ ကော်မရှင်သည် ၄င်း၏ အထောက်အကူပြုကော်မတီများနှင့် ညှိနှိုင်းပြီးလျှင် သင့်လျော်သည့် နေ့ရက်နှင့်အချိန်ကို သတ်မှတ်ဆောင်ရွက်နိုင်သည်။
အသင်းအမှုဆောင်အဖွဲ့တွင် ပါဝင်ဆောင်ရွက်နိုင်ရေးအတွက် သတ်မှတ်ထားသည့် အရည်အချင်းပြည့်မီသော အသင်းသားများအနေဖြင့် ကိုယ်တိုင်အဆိုပြုလွှာများ တင်သွင်းနိုင်စေရန် လူကိုယ်တိုင်၊ စာတိုက်ကြေးနန်း၊ အီးမေးလ်၊ ဖက်စ်စသည် သင့်လျော်ရာနည်းလမ်းများဖြင့် ပေးပို့အကြောင်းကြားရမည့်အပြင် သတင်းစာ၊ဂျာနယ်၊အခြားမီဒီယာစသည်တို့တွင်ထည့်သွင်းဖော်ပြခြင်း၊ ဆိုရှယ်မီဒီယာတင်ခြင်း၊ ကြော်ငြာဘုတ်ထောင်ခြင်း၊လက်ကမ်းစာဖြန့်ဝေခြင်းတို့ဖြင့် ရွေးချယ်တင်မြှောက်ပွဲမကျင်းပမီ (၄၅)ရက်မှ (၃ဝ)ရက်အတွင်း ကြိုတင်အသိပေးကြေညာရမည်။
ရွေးချယ်တင်မြှောက်ပွဲ ကြီးကြပ်မှုကော်မရှင်သည် အသင်းအထောက်အကူပြုကော်မတီများက ပြုစုပေးပို့သော အမှုဆောင်အဖြစ် ရွေးချယ်ခံမည့် ပုဂ္ဂိုလ်များ၏ စာရင်းနှင့်မဲပေးပိုင်ခွင့်ရှိသော အသင်းသားစာရင်းကို ရယူစိစစ်၍ လျှောက်လွှာပိတ်ရက်နောက် ရုံးဖွင့်ရက်(၁၅)ရက်မှ(၁ဝ)ရက်အတွင်း အသင်းရုံးရှေ့ ကြော်ငြာသင်ပုန်း၊ ပေါ်လွင်ထင်ရှားသော နေရာများနှင့်အသင်း ဆိုရှယ်မီဒီယာများတွင် ထုတ်ပြန်ကြေညာရမည်။
မဲဆန္ဒပေးပိုင်ခွင့်ရှိသော အသင်းသားနှင့် ရွေးချယ်ခံခွင့်ရှိသော အမှုဆောင်ကိုယ်စားလှယ်အသင်းသားကို ကန့်ကွက်လိုသော အသင်းသားများမှ ကော်မရှင်ထံ ရွေးချယ်တင်မြှောက်ပွဲမတိုင်မီ (၃)ရက်နောက်ဆုံးထား၍ အကျိုးအကြောင်းဖော်ပြကန့်ကွက်ခြင်းကို ကော်မရှင်မှစိစစ်ဆုံးဖြတ်ပေးရန်တာဝန်ရှိသည်။ ကော်မရှင်၏ ဆုံးဖြတ်ချက်သည် အပြီးအပြတ်ဖြစ်စေရမည်။
ရွေးချယ်တင်မြှောက်ခြင်းအတွက် လိုအပ်သောရုံးကိစ္စအဝဝနှင့် အသုံးစရိတ်တို့ကို အသင်းကပံ့ပိုးဆောင်ရွက်ပေးရမည်။
ကော်မရှင်သည်ရွေးချယ်တင်မြှောက်ပွဲအဆင့်ဆင့်ကို စနစ်တကျကျင်းပပြီးနောက် ရွေးချယ်တင်မြှောက်ခြင်း အစီရင်ခံစာကို ရွေးချယ်ခံရသော (၁) အမှုဆောင်အဖွဲ့၊ (၂) ဗဟိုအလုပ်အမှုဆောင်အဖွဲ့၊ (၃) နာယကအဖွဲ့၊ (၄) အကြံပေးအဖွဲ့စာရင်းကို နှစ်ပတ်လည်အသင်းသားစုံညီအစည်းအဝေးတွင် အများသိသာစေရန် ကြေညာပေးရမည်။
ကော်မရှင်သည် ရွေးချယ်တင်မြှောက်ပွဲကို အသင်းသားစုံညီ ညီလာခံကျင်းပသည့်ရက်နေ့တွင်သော်လည်းကောင်း၊ (၇) ရက်ကြိုတင်၍သော်လည်းကောင်း ကျင်းပနိုင်သည်။
ရွေးချယ်တင်မြှောက်ခြင်းနှင့်ပတ်သက်ပြီး ဖွဲ့စည်းပုံအခြေခံစည်းမျဉ်းတွင် ဖော်ပြထားခြင်းမရှိသော အထူးကိစ္စရပ်များအတွက်ကော်မရှင်သည် အသင်း၏နာယကအဖွဲ့၊ အကြံပေးအဖွဲ့နှင့် အမှုဆောင်အဖြစ် ရွေးချယ်ခံရန်အဆိုမပြုသော အသင်းသားတို့ဖြင့် ညှိနှိုင်းဆုံးဖြတ်ဆောင်ရွက်နိုင်သည်။
မဲဆန္ဒပေးပိုင်ခွင့်ရှိသော အသင်းသားစိစစ်ရေးအထောက်အကူပြုကော်မတီသည် မဲဆန္ဒပေးပိုင်ခွင့်ရှိသော အသင်းသားများ၏ အမည်စာရင်းများကို စိစစ်ပြီးလျှင် သက်ဆိုင်ရာ အရည်အချင်းများနှင့် ကိုက်ညီသော ပုဂ္ဂိုလ်များ၏အမည်စာရင်းကိုရွေးချယ်တင်မြှောက်ပွဲ ကြီးကြပ်မှုကော်မရှင်ထံပေးပို့ရမည်။ အသင်းဝင်ကြေး၊ နှစ်စဉ်ကြေးတို့ကို ရွေးကောက်ပွဲကျင်းပမည့်နှစ်အထိ သတ်မှတ်ထားသော နှုန်းထားအတိုင်း အကြေအလည်ပေးသွင်းထားသူဖြစ်ရမည်။ အသင်းသို့ ပေးဆောင်ရန် အခြားသော ငွေကြေးတစ်စုံတစ်ရာနှင့် စာရင်းရှင်းလင်းရန် ကျန်ရှိသူမဖြစ်စေရ။ ကုမ္ပဏီအသင်းဝင်ဖြစ်ပါက ပုံစံ ၆/၂၆ တွင် အမည်စာရင်းပါဝင်သူတစ်ဦးသာဖြစ်ရမည်။
အမှုဆောင်အဖြစ်ရွေးချယ်ခံ အသင်းသားစိစစ်ရေးကော်မတီသည် ရွေးချယ်ခံခွင့်ရှိသော အရည်အချင်းနှင့်ကိုက်ညီသည့် အမည်စာရင်းများကို စိစစ်ပြီးလျှင် ရွေးချယ်တင်မြှောက်ပွဲကြီးကြပ်မှုကော်မရှင်ထံပေးပို့ရမည်။ အသင်းဝင်ကြေး၊ နှစ်စဉ်ကြေးတို့ကို ရွေးကောက်ပွဲကျင်းပမည့်နှစ်အထိ သတ်မှတ်ထားသောနှုန်းထားအတိုင်း အကြေအလည်ပေးသွင်းထားသူဖြစ်ရမည်။ အသင်းသို့ပေးဆောင်ရန် အခြားသောငွေကြေးတစ်စုံတစ်ရာနှင့် စာရင်းရှင်းလင်းရန်ကျန်ရှိသူမဖြစ်စေရ။ ဗဟိုအလုပ်အမှုဆောင်အဖြစ် အရွေးချယ်ခံလိုသောအသင်းသားများသည် အမှုဆောင်အဖွဲ့ဝင်အဖြစ်သက်တမ်းတစ်ကြိမ် ရွေးချယ်ခံဆောင်ရွက်ခဲ့ဖူးသူဖြစ်ရမည်။ သို့သော်ထူးခြားသော အခြေအနေအရ ဤအချက်အား လျော့ပေါ့စဉ်းစားနိုင်သည်။
မဲရုံ၊ မဲပြားထုတ်ပေးရေးနှင့်ရေတွက်ရေး၊ မဲရုံကြီးကြပ်မှုလုပ်ငန်းများကို ရွေးချယ်တင်မြှောက်ပွဲကြီးကြပ်မှုကော်မရှင်၏ ရွေးကောက်ပွဲဆိုင်ရာ အသေးစိတ်ညွှန်ကြားချက်များအတိုင်း လိုက်နာဆောင်ရွက်ရမည်။
အမှုဆောင်အဖွဲ့နှင့် ဗဟိုအလုပ်အမှုဆောင်အဖွဲ့ဝင်များအဖြစ် ပါဝင်ဆောင်ရွက်ခွင့်ရရှိရေးအတွက် ရွေးကောက်တင်မြှောက်ခြင်းကိစ္စကို အောက်ပါအတိုင်းဆောင်ရွက်ရမည်-
အများလက်ခံသော၊ ပွင့်လင်းမြင်သာသော လျိူ့ ဝှက်မဲပေးစနစ်နှင့်မဲရေတွက်သောစနစ်ကျင့်သုံးသည့် မဲဆန္ဒပေးပွဲကျင်းပရမည်။ လျိူ့ ဝှက်မဲပေးသောစနစ်မှာ -- ခေတ်နှင့်လျော်ညီသော ကော်မရှင်မှသတ်မှတ်သည့်စနစ်၊ မဲရေတွက်သောစနစ်မှာ -- ဆန္ဒမဲကိုဓါတ်ပုံ/ ဗွီဒီယိုရိုက်၍မဲရေတွက်ခြင်းကိုစောင့်ကြည့်နေသော အသင်းသားများသိရှိစေရန် ပရိုဂျက်တာ/တယ်လီဗေးရှင်းဖြင့် တိုက်ရိုက်ပြသရေတွက်သော စနစ်ကိုကျင့်သုံးခြင်း။
အမှုဆောင်အဖြစ်ရွေးချယ်ခံရန် အဆိုပြုထားသောပုဂ္ဂိုလ်သည် မလွှဲမရှောင်သာသော ကိစ္စကြောင့် မဲဆန္ဒပေးရမည့်နေ့ရက်တွင် ကိုယ်တိုင်တက်ရောက်နိုင်ခြင်းမရှိပါက မိမိအနေဖြင့် အရွေးချယ်ခံမည်ဖြစ်ကြောင်း၊ မည်သူ့ကို ကိုယ်စားလှယ်လွှဲအပ်မည်ဖြစ်ကြောင်းနှင့် ကိုယ်တိုင်မတက်ရောက်နိုင်ကြောင်း ခွင့်ပန်စာကို စာဖြင့်တရားဝင်(၄၈)နာရီကြိုတင်၍ကော်မရှင်သို့အကြောင်းကြားရမည်။ ၄င်းပုဂ္ဂိုလ်သည် အမှုဆောင်အဖြစ်ရွေးချယ်ခံလျှင် ဗဟိုအလုပ်အမှုဆောင်အဖြစ် ရွေးချယ်ခြင်းအတွက် မဲပေးခြင်း၊ ရွေးချယ်ခံခြင်းကိစ္စအဝဝကို ၄င်းကိုယ်စားလှယ်အနေဖြင့် ဆက်လက်ဆောင်ရွက်ခွင့်ရှိစေရမည်။
အမှုဆောင်၏ကိုယ်စားလှယ်တစ်ဦးသည် ရွေးချယ်ခံရန်အဆိုပြုသူတစ်ဦးကိုယ်စား မဲဆန္ဒပေးရန်အတွက်သာ ကိုယ်စားလှယ်အဖြစ် လက်ခံဆောင်ရွက်ခွင့်ရှိသည်။
အသင်းသားတစ်ဦးသည် အခြားအသင်းသားတစ်ဦး (သို့မဟုတ်) အမှုဆောင်ရွေးချယ်ခံရန် အဆိုပြုသူတစ်ဦးအတွက်သာ ကိုယ်စားလှယ်အဖြစ် မဲဆန္ဒပေးခွင့်ရှိသည်။
ရွေးချယ်တင်မြှောက်ပွဲတွင် တက်ရောက်လာသော အသင်းသားဦးရေ (၅ဝ)%နှင့်အထက်မဲပေးမှသာ အဆိုပါရွေးချယ်တင်မြှောက်ပွဲသည် ထမြောက်အောင်မြင်သည်။
ဗဟိုအလုပ်အမှုဆောင်ရွေးချယ်တင်မြှောက်ပွဲ အဆင့်ဆင့်တိုင်း (ဥက္ကဋ္ဌ၊ ဒုတိယဥက္ကဋ္ဌများ၊ အထွေထွေအတွင်းရေးမှူး၊ အတွင်းရေးမှူးများ၊ ဘဏ္ဍာရေးမှူး၊ တွဲဖက်ဘဏ္ဍာရေးမှူး၊ စာရင်းစစ်၊ တွဲဖက်စာရင်းစစ်) ရွေးချယ်ခံရန် ကိုယ်တိုင်ဆန္ဒပြုသူဦးရေသည် ပြိုင်ဘက်မရှိ တစ်ဦးတည်းသာဖြစ်ခဲ့သော် ၄င်းအား ရွေးချယ်တင်မြှောက်ခံရကြောင်း ကော်မရှင်မှအတည်ပြုခွင့်ရှိသည်။
ရွေးကောက်ပွဲအဆင့်တိုင်းတွင် ဆန္ဒမဲများကိုနှောင့်နှေးခြင်းမရှိစေဘဲ စနစ်တကျရေတွက်ပြုစုပြီးလျှင် မဲဆန္ဒပိုများ၍ ရွေးကောက်တင်မြှောက်ခံရသော ပုဂ္ဂိုလ်များ၏အမည်စာရင်းကို ချက်ချင်းကြေညာရမည်။
ရွေးချယ်တင်မြှောက်ရေးကြီးကြပ်မှုကော်မတီသည် အသင်းအမှုဆောင်အဖွဲ့အတွက် သတ်မှတ်ထားသောအဖွဲ့ဝင်ဦးရေရရှိစေရန် အောက်ပါနည်းလမ်းဖြင့် ရွေးချယ်ဆောင်ရွက်ရမည်-
ရွေးချယ်တင်မြှောက်ရေးကြီးကြပ်မှုကော်မတီသည် အသင်းဗဟိုအလုပ်အမှုဆောင်အဖွဲ့အတွက် သတ်မှတ်ထားသောအဖွဲ့ဝင်ဦးရေရရှိစေရန် အောက်ပါနည်းလမ်းများဖြင့် ရွေးချယ်ဆောင်ရွက်ရမည်-
ဖွဲ့စည်းပုံအခြေခံစည်းမျဉ်းအရ ရွေးချယ်တင်မြှောက်ရမည်။
ဖွဲ့စည်းပုံအခြေခံစည်းမျဉ်းအရ ရွေးချယ်တင်မြှောက်ရမည်။
ဖွဲ့စည်းပုံအခြေခံစည်းမျဉ်းအရ ရွေးချယ်တင်မြှောက်ရမည်။
ပြင်ပစာရင်းစစ်အဖွဲ့ကို နှစ်ပတ်လည်အသင်းသားစုံညီအစည်းအဝေးတွင် အသင်းဝင်များ၏ အတည်ပြုချက်ဖြင့် ရွေးချယ်တာဝန်ပေးအပ်ရမည်။