ဗဟိုအလုပ်အမှုဆောင်အဖွဲ့ ဖွဲ့စည်းပုံ၊ အရည်အချင်းသတ်မှတ်ချက်များနှင့် တာဝန်များ
အသင်း၏ ဗဟိုအလုပ်အမှုဆောင်အဖွဲ့ကိုအောက်ပါအတိုင်းဖွဲ့စည်းရမည်။ အမှုဆောင်အဖွဲ့ အဖွဲ့ဝင်ဦးရေ၏ (၅ဝ%)ရာခိုင်နှုန်းကို ဗဟိုအလုပ်အမှုဆောင်အဖွဲ့ဝင်ဦးရေအဖြစ် သတ်မှတ်နိုင်သည်။ ကျန်(၅ဝ%)သော အမှုဆောင်အဖွဲ့ဝင်များသည် အလုပ်အမှုဆောင်အဖွဲ့ဝင်များဟုသတ်မှတ်သည်။
| နေရာ | ဦးရေ |
|---|---|
| (၁) ဥက္ကဋ္ဌ | (၁) ဦး |
| (၂) ဒုတိယဥက္ကဋ္ဌ | (၆) ဦး |
| (၃) အထွေထွေအတွင်းရေးမှူး | (၁) ဦး |
| (၄) တွဲဖက်အထွေထွေအတွင်းရေးမှူး | (၂) ဦး |
| (၅) အတွင်းရေးမှူး | (၅ - ၇) ဦး |
| (၆) ဘဏ္ဍာရေးမှူး | (၁) ဦး |
| (၇) တွဲဖက်ဘဏ္ဍာရေးမှူး | (၁) ဦး |
| (၈) စာရင်းစစ် | (၁) ဦး |
| (၉) တွဲဖက်စာရင်းစစ် | (၁) ဦး |
| (၁ဝ) အဖွဲ့ဝင် | (၃၁-၂၉) ဦး |
တရားဝင်မှတ်ပုံတင်ရရှိပြီးသော ညီနောင်အသင်းများ၏ အမှုဆောင်အဖွဲ့ အစည်းအဝေးဆုံးဖြတ်ချက်ဖြင့်ရွေးချယ်စေလွှတ်သော ကိုယ်စားလှယ်တစ်ဦး (ဥက္ကဋ္ဌ/အလုပ်အမှုဆောင်) သည် ဆန္ဒမဲပေး၍ ရွေးချယ်ရန် မလိုတော့ဘဲ အလိုအလျောက် ဗဟိုအလုပ်အမှုဆောင်အဖွဲ့ဝင်အဖြစ် သတ်မှတ်ရမည်။
တရားဝင်ဖွဲ့စည်းခွင့်ရရှိပြီးသော သတ္တုအမျိုးအစားအလိုက် ရေးရာကော်မတီများမှရွေးချယ်စေလွှတ်သောကိုယ်စားလှယ်တစ်ဦးသည် ရွေးချယ်ရန်မလိုတော့ဘဲ အလိုအလျောက် ဗဟိုအလုပ်အမှုဆောင်အဖွဲ့ဝင်အဖြစ် သတ်မှတ်ရမည်။
မြန်မာနိုင်ငံသတ္တုလုပ်ငန်းရှင်များအသင်းချုပ်၏လုပ်ငန်းများ စဉ်ဆက်မပြတ် ဖော်ဆောင်သွားနိုင်ရန်အတွက် လက်ရှိဗဟိုအလုပ်အမှုဆောင်အဖွဲ့၏အဖွဲ့ဝင်အင်အား(၅)ပုံ(၂)ပုံသည်ရွေးချယ်ရန်မလိုတော့ဘဲ အလိုအလျောက်ဗဟိုအလုပ်အမှုဆောင်အဖွဲ့ဝင်အဖြစ် သတ်မှတ်ရမည်။
အသင်း၏အကျိုးစီးပွားကိုဖော်ဆောင်၍ အသင်း၏ဂုဏ်သိက္ခာမြင့်မားရေးကို ရှေးရှုဆောင်ရွက်နိုင်သူဖြစ်ရမည်။
အသင်းသားအရည်အချင်းနှင့်ပြည့်စုံသူဖြစ်ခြင်း။
အသင်းနှစ်စဉ်ကြေးများနှင့် အသင်းသို့ပေးသွင်းရန်ရှိသော ငွေကြေးတစ်စုံတစ်ရာကို အကြေအလည် ပေးသွင်းပြီးသူဖြစ်ရမည်။
သတ္တုတွင်းလုပ်ငန်းများနှင့်ပတ်သက်၍ လုပ်ငန်းအတွေ့အကြုံရှိရမည်။
အနိမ့်ဆုံးတက္ကသိုလ်ဝင်တန်း (သို့) ၄င်းနှင့်ညီမျှသော ပညာအဆင့်အောင်မြင်ပြီးသူ ဖြစ်ရမည်။ (သို့မဟုတ်) မြန်မာနိုင်ငံရှိသတ္တုတွင်းလုပ်ငန်းများကို အောင်မြင်အောင် အကောင်အထည်ဖော်ဆောင်ရွက်နေသူများ၊ မိုင်းလုပ်ငန်းနှင့်ပတ်သက်၍ လက်တွေ့ကျွမ်းကျင်စွာ လုပ်ကိုင်နေသူများနှင့် အသင်းချုပ်၏ တိုးတက်မှုအတွက် အထောက်အကူပြုနိုင်သူများ ဖြစ်ပါက ပညာအရည်အချင်းသတ်မှတ်ချက်အား လျှော့ပေါ့စဉ်းစားနိုင်သည်။
အကျင့်စာရိတ္တကောင်းမွန်၍ စီးပွားရေးကျင့်ဝတ် (ကျောင်းသားသမဂ္ဂဥပဒေ) ကို လိုက်နာကျင့်သုံးနေသူ ဖြစ်ရမည်။
မြန်မာနိုင်ငံသတ္တုလုပ်ငန်းရှင်များအသင်းချုပ်၏ ဖွဲ့စည်းပုံအခြေခံစည်းမျဉ်းနှင့် တည်ဆဲဥပဒေ၊ နည်းဥပဒေများကို ကျွမ်းကျင်နားလည်ပြီး လေးစားလိုက်နာသူများဖြစ်ရမည်။
အမှုဆောင်အဖွဲ့၏တာဝန်နှင့် လုပ်ပိုင်ခွင့်များအားလုံးသည် ဗဟိုအလုပ်အမှုဆောင်အဖွဲ့၏ တာဝန်နှင့်လုပ်ပိုင်ခွင့်များဖြစ်သည်။
လုပ်ငန်းဆိုင်ရာကော်မတီများဖွဲ့စည်း၍ ကော်မတီတစ်ခုစီအလိုက် အတွင်းရေးမှူး(၁)ဦးစီအား ဥက္ကဋ္ဌအဖြစ်တာဝန်ပေးအပ်ပြီး လုပ်ငန်းစီမံချက်များရေးဆွဲ၍ အောင်မြင်အောင် အကောင်အထည်ဖော်ဆောင်ရွက်ရမည်။
အသင်း၏သက်တမ်း(၁)နှစ်ပြည့်ပြီးပါက ဗဟိုအလုပ်အမှုဆောင်အဖွဲ့၏ လုပ်ငန်းဆောင်ရွက်မှုအခြေအနေအပေါ် စစ်တမ်းကောက်ယူခြင်းရလဒ်အပေါ်တွင် အမှုဆောင်အဖွဲ့၏ထောက်ခံမှု (၅ဝ)ရာခိုင်နှုန်းမရရှိလျှင် အမှုဆောင်အဖွဲ့ဝင်များမှ ဗဟိုအလုပ်အမှုဆောင်အဖွဲ့ဝင်အသစ်ကို လဲလှယ်ရွေးချယ်ပေးခြင်းကို လက်ခံရန်တာဝန်ရှိသည်။
အထက်ဖော်ပြပါ အရည်အချင်းသတ်မှတ်ချက်များနှင့် ပြည့်စုံပါက
လျှောက်ထားရန် ဆက်သွယ်ပါ